Palimed nga Ayat

_________________www.ampitz.blogspot.com
Alsaakon ti inpasusuonko
A sangalaga a bin-i ti nalimed a rikna
Kadagiti agkubkubbon a binatog
Nga ininaw palludip toy puso
Sipud pay damoka a makita,
Ket warwarek ti begketna
A kinatakrot ket pagadiwaraek
Ti nabayag a naullom a banglona.

Wen, ukasek payen kadagiti bituen
Ti inbad-ayko kadakuada a karayo
A pagarupek a matangadmo
Iti kanito a silnagandat’ arubayanmo
Ngem dim’ met gayam narikna
Ti lam-ek nga inpalais ti palayupoy
Isu a siakon ti mangibukibok iti daytoy a bin-i
Tapno pagrusingek iti namnaman’ ragsak
Ket pagsabongek iti napudno nga ayat
Iti nadam-eg nga hardinmo.
_________________www.ampitz.blogspot.com
-to the rose of fall...whoever you are.