___________________www.ampitz.blogspot.com
Mawawakon iti tudo
Ni lipat a mangdepdep
Agap-apoy a saem
Nga in-inot a mangur-uram
Iti natikaganen nga ayat.
Ta saan nga umdas
A pangbisibisko ti lua
A mamaglunit iti rengngat ti puso
Ken mangpalangto manen
Nalaylay a hardinko.
Lipatenkan kunak
Ngem apay nga agbukel lattat alintataom
Iti kada asok nga agasimbuyok
Kadagiti suyaab ti bigbigat
A mangmurmuray kaniak ken ridep.
__________________www.ampitz.blogspot.com
to those who just can't let go...
No comments:
Post a Comment