___________________www.ampitz.blogspot.com
Maibunubon,
Agrusing ket tumanor latta
Iti minuyongan ti kasaluyotan
Sumarsaruno a kaputotan Ni Pedro Bucaneg.
Ta uray saanton nga agtaraok
Dagiti kawitan iti parbangon
Malukagto latta ni Saluyot
Baet narnekan a turog
Ket idaniwnanto lattat’ kinasaluyotna.
Agbukar a kas maysa a rosas
Iti hardin ti prosa ken literatura
Agsantak ket agadiwara ti banglona
Ket tagibenennanto ti talugading
A tawidna ken Pedro Bucaneg.
Wen, maisarusar latta dagiti bin-i a binatog
Maitukit ket agrusing iti muging dagiti tumantanor a mannaniw.
_________________________www.ampitz.blogspot.com
2 comments:
If you want to help me,try to avoid me,this is the least you can do for me,i dont want to hurt myself anymore,i dont want to hurt you either,hope you understand my situation,I Love You just the way you are.Weizhen
what is the poem all about?
Post a Comment