_______________________www.ampitz.blogspot.com
Sumeppeg lattat’ makarurrurod
A pul-oy ti lagip ket pairtengenna
Ti dalikepkep a nangbalod
Ken sennaay ket kumulbet latta
Ti pannakaibuksil dawa ti naglabas.
Ta piliten man a rumeken
Ti pakawan ti kumuskusilap a gura
Ngem agunnoy met a salugsogan
Ti ibo da saem ken limdo
Ket sennaay lattat’ matda.
Ket uray pay ngata alsong
Pangbaywan ti awat iti rurod
Ket dinto matumek ti bimmato
A gura ken saem a naitanem.
Wen, surruannak kadi a manglipat
Tapno mayaddang manen dagitoy dapan.
_____________________________www.ampitz.blogspot.com
No comments:
Post a Comment